.

.

.

藝人陳煒以一身淡黃tubedress現身「香港先生選舉」，腳踏4吋高跟鞋的她露出事業線，相當搶鏡！

談到第一次參加這項盛事，陳煒哥笑謂：「嚟睇靚仔嘛，之前都有睇吓佢哋啲宣傳片，記得有位廚藝了得、有位舞蹈了得、有位工夫了得。（咁性感？）小兒科啫，佢哋操得辛苦，我都要操吓。（同老公備案？）我諗唔使啩，都見過好多好嘢嘅！（精神上出軌喎！）咁大件事？冇嘢嘅。」

談到同樣亞姐出身的張文慈已簽約無綫，陳煒即謂：「聽講明年公司有好多大制作，都需要多啲新面孔嘅。（期待同佢一齊拍劇？）都期待嘅，之前就算一齊拍同一套劇，我同佢都好少對手戲。（話佢同萬綺雯夾攻你喎！）演對手戲就要有對手，傻啦，大家都係好同事。」