最近好多人话，哇，马明好惨吖！

部新剧俾TVB雪藏咗两年

宜家先播出仲要畀人cut到得翻17集咋！

本来以为冇乜睇头嘎喇~

点知小编连追5集流氓皇帝

发觉原来都几搞笑喔~

里面仲有好多周星驰嘅喜剧元素添~

果啲熟悉嘅笑点同场景

感觉就好似系导演致敬紧九品芝麻官咁

▼▼▼

九品芝麻官系星爷比较出名嘅

无厘头喜剧电影作品之一

风格非常之“周星驰”

虽然周星驰已经唔拍喜剧

不过依然有好多电视剧电影相继模仿

就好似流氓皇帝咁

将呢啲熟悉嘅桥段放入一个新剧本中

加以修饰同改变，依然笑料百出

比如呢一幕咁

▼▼▼

“一舊keep咗二十几年嘅饼”

喺九品芝麻官里面

包龙星准备上京告御状

于是佢老逗就摞咗半舊饼俾佢

话只要摞住呢半块有二十几年历史嘅饼

去搵当今尚书大人，佢就会帮忙嘎喇~

而喺流氓皇帝里面

呢位哥仔同样拎住半舊历史悠久嘅饼

▼▼▼

舊饼系两家指腹为婚嘅凭证

呢个哥仔只要摞住舊饼

就可以上门去提亲喔~

“写好状纸，逼人画押”

九品芝麻官里面嘅戚秦氏被严刑拷打

状纸形容到佢十分淫荡

晕咗之后仲要俾人揿埋手指摸认罪

流氓皇帝都有呢一幕

又系啊Ted嘅大妈喺度搞鬼！

一纸退婚书，写到人地乜尊严都冇晒

终于激到人地吐血身亡！

大妈趁机用人地啲血打埋手指模！

仲贱格过方唐镜咯~

“改名都要有相同”

喺九品芝麻官里面

包龙星娶嘅老婆叫“吴好缇”

“吴好缇”嘅大佬叫“吴广得”

而流氓里面都有一对咁嘅兄妹

▼▼▼

阿妹叫“吴多余”，阿哥叫“吴多好”

好想问下佢地系咪亲戚嚟嘅？

唔止佢地嘅名好烂gag

呢部剧啲角色嘅名全部都起得好盏鬼~

▼▼▼

比如马国明饰演嘅“朱锦春”，猪甘蠢

猪甘蠢嘅继母叫“鱿鱼丝”

细佬叫“猪肠粉”

好兄弟牛玉乾，变成牛肉干

车大炮变“扯大炮”.......

真系笑死隔离lor~

“男人扮女人，总有一个俾男人及中”

当包龙星话自己系女仔嘅时候

“吴广得”即刻埋佢身抽水！

星爷节操差点不保~

而喺流氓当中

牛肉干为咗帮朱锦春当金器

男扮女装去到当铺搵二叔公

点知俾二叔公睇啱咗，系咁对佢“单眼”~

仲叫佢入房慢慢倾，借啲咦摸埋手仔

二叔公唔单止杀价狼死

博懵到好鬼狼死！！！

老人家啲品味系咪零舍唔同？

放住34D嘅孙慧雪唔要

竟然霖个麻甩佬，笑死~

讲到孙慧雪，佢系呢部剧里面

饰演嘅角色同石榴姐有啲相似

▼▼▼

唐伯父点秋香里面

石榴三番四次咁想献身俾唐伯虎

但系就比唐伯虎拒绝咗，因为佢丑！

而孙慧雪都系一样~

想献身俾二叔公，但系就俾二叔公嫌佢丑

▼▼▼

你睇佢化呢个妆，小编敢打赌

肯定系同石榴姐同一个化妆师！

孙慧雪饰演二叔公屋企嘅丫鬟

不过人做丫鬟佢做丫鬟

▼▼▼

而佢自己跟咗呢个孤寒老爷9年

每晚都开住房门等紧佢嚟嘎

但系就斋等咗9年咯

宅男女神竟然被嫌弃

中意男人都唔拣我地雪雪！

二叔公系咪唔得嘎！

“生天花死咗嘅同治皇帝”

＜九品＞有同治皇帝条孖烟通

而＜流氓＞就有同治用过嘅尿壶

“喜剧一定要有印度人加入”

＜九品＞嘅印度人

专卖印度神丹，包生仔果种

而＜流氓＞嘅印度人

天生神力，训练咗一支队伍

同朱锦春佢地争丁财炮

“总有一场嗌交大战”

星爷大战三姑六婆呢场嗌交戏都几经典

流氓中都有一场咁嘅戏

系二叔公同鱿鱼丝两个人开拖~

▼▼▼

呢部剧除咗有星爷嘅喜剧元素

男明星仲要露肉！

一把年纪个大妈偶然都要讲下咸湿笑话~

大家都知袁伟豪一向都好多肌肉嘎喇

呢个角色就好似系为佢量身定做咁

一show啲肌肉出嚟，班花姑娘流晒口水

更好笑嘅系

鱿鱼丝帮女主蓉蓉说亲

摞咗蓉蓉啲刺绣同书画俾镇长睇

点知啲刺绣一摞出嚟

▼▼▼

竟然系一个穿咗两个窿嘅肚兜

穿窿嘅位置都几特别下嘎

睇到大姑娘个肚兜，镇长好淡定

不过佢啲下人嘅表情就好淫荡咯~

▼▼▼

鱿鱼丝见到个肚兜就话喇

呢个其实系佢自己嘅肚兜，唔系蓉蓉嘅

果两个窿系佢自己剪嘅

天气热，咁样凉爽啲喔~

咁都兜得到！你叻！

之后又摞啲画出嚟睇喇

点知一打开，成张春宫图咁

鱿鱼丝就话喇，呢个唔系蓉蓉画嘅

系佢自己想“趁青春留倩影”wor

我就讲一句

你果然同出面啲妖艳贱货唔同

你比佢地更姣lor~

肚兜冇咗，字画冇咗

最后只能摞蓉蓉写嘅文章出嚟

镇长叫旁边嘅下人一读

笑到小编我飙晒眼泪咁款

（请看大图~）

▼▼▼

呀呀呀~咦咦~啊啊~

what？excuseme？

洗唔洗咁重口味啊TVB！

鱿鱼丝自己都估唔到事情会变成咁

佢只能够顶硬上，认咗佢！

▼▼▼

你系得嘅~

TVB要帮你立翻个牌坊先得！

讲真，喺TVB走黑暗风嘅时候

流氓皇帝接棒幕后玩家播出

影真嚟得唔系时候

要观众一下子从睇得好肉紧嘅悬疑剧

转变到无厘头嘅喜剧

确实有啲难度lor

只不过对于中意喜剧嘅观众嚟讲

流氓皇帝真系会有惊喜~

至少小编目前睇到第5集

每集都会get到有笑点lor~