讲起年最红韩国电影

非《釜山行》莫属

仲记得男主孔侑跳落火车嗰一幕

几多观众泪流满面啊！

然而霸占咗今年最红大银幕嘅孔侑

喺年最后一个月

决定时隔四年再次挑战电视剧

呢次人设唔再係打丧尸嘅超人老豆

而係一个生存咗年嘅鬼怪

睇个势今次又要无情咁收割少女心喇

无错就係

《孤单有灿烂的神：鬼怪》

小编琴晚漏夜睇咗两集

心情不亚于之前睇完《釜山行》

真係劲好睇！剧情紧凑，镜头堪比大片

而且孔侑李栋旭型到喊！

一集时长90分钟，完全无尿点

更係一部集悬疑、动作、玄幻、神话

鬼神、超能力、基情......嘅爱情剧！

作为tvN十周年台庆剧，《鬼怪》首播收视就打破之前《请回答》嘅纪录，第二集嘅数据更係翻咗一倍，再次成为同时段收视冠军！

豆瓣评分9.3分！几乎零差评！

剧情主要讲述男主孔侑喺年前係一个大将军，人称“武神”，保家卫国血战沙场3日3夜，无谂到被奸臣同昏君所害，死于荒野，最后化身为“鬼怪”。

鬼怪要结束永生不死入土为安，必须搵到“鬼怪新娘”，喺九百年后鬼怪喺阴差阳错之下同阴间使者（李东旭饰）同居。

后来又搵到疑似新娘嘅人选——“命中注定要死”嘅19岁少女（金高银饰），然后就开始咗呢个故事喇...

总之，就係男主身上有个诅咒，只有鬼怪新娘先可以结束佢嘅生命，唔洗永世轮回。

岩好，鬼怪新娘就係女主。

又岩好，男主曾经救过女主佢阿妈，女主先可以生存落来。而阴间使者就一直搵本来要死于腹中嘅女主。

小编觉得故事人设简直係《来自星星的你》嘅番外《来自阴间的你》：男主一样有不死之身，多金，有超能力，同女主一样有宿世姻缘...不过多咗其他奇幻角色，令故事可看性更高。

而《鬼怪》嘅编剧就係《继承者》、《太阳的后裔》嘅业内金漆招牌——金恩淑

《鬼怪》係金恩淑编剧首次挑战“奇幻片”，更係被孔侑拒绝咗五年之后，面谈3个钟，先倾成嘅合作。

完美主义孔侑表示：因为拍电视剧唔係采用‘事前制作’，根据拍摄环境和时间嘅限制，会有唔理想嘅部分；而自己又希望可以展现出最好嘅部分。

▲孔侑更献上从影以来嘅第一个古装扮相。

除咗男主外，几位主演金高银、李东旭、刘仁娜、陆星材，都係演技+收视保证，完全高级配置！

▲先嚟睇下人物关系图

男一鬼怪×女一池恩卓

男女主喺第一集最后30分钟先第一次见面！

但係一见面嘅场景就唯美到爆！再加埋首BGM，简直係电影效果！

女主鬼怪新娘有专属技能——吹蜡烛召唤鬼怪

技能强大到连app版蜡烛都得！

女主鬼怪新娘专属技能二，穿越！

两人发生争执，女主跟男主穿越到加拿大。

女主一言不合就表白！进展太快，小编跟唔上进度..

男一鬼怪×男二地狱使者

一个係呼风唤雨嘅鬼怪，一个係决定生死嘅地狱使者，但係莫名其妙配一脸！

两个人阴差阳错开始咗同居生活，但係双方都唔爽对方，经常斗嘴。

鬼怪仲将地狱使者嘅被铺换成红色，帮佢带咗个可爱嘅睡帽。

最基情四射嘅一场戏...地狱使者一脸强势，鬼怪惊慌失措...

感觉双鬼CP绝对会超越男女主成为剧集最佳CP！

男二地狱使者×女二Sunny

《来自星星之后》刘仁娜再次奇幻剧女二，今次一出场就惊为天人！

饰演魅力四射嘅炸鸡店老板，感觉係一个有故事嘅人。

去算命被提醒要小心带黑色帽嘅男人，咪就係地狱使者？

后来同地狱使者因为一个戒指相遇，男二见到戒指就流泪，两人感觉肯定有唔少羁绊。

女一池恩卓×女二Sunny

女一喺女二炸鸡店做兼职，对于生意，女二永远都係咩都无所谓咁嘅chock样。

女主深深被女二嘅潇洒深深折服。

女二应该唔係奸角，仲赶走一直以来只係想贪女主钱嘅监护人。

除咗剧情、人设高能，全剧嘅画面、镜头，每一帧特写劲似大片！

随便一个截图，都好有MV嘅质感！

导演根据唔同人物嘅背景、性格安排咗唔同嘅场景。

剧组仲特意去英国取景，空镜头靓到落泪！

就连车祸女主妈妈求助呢一幕，配色同取景都靓到令人沉醉。咁靓嘅场面，鬼神点会忍心唔救人！

两集剧落嚟，最令人心动、惊叹、尖叫嘅绝对係女主被挟持上车，鬼怪和同地狱使者一起出现营救女主嘅画面！

远处嘅路灯慢慢熄灭，两个+大长腿慢慢行过嚟小编嘅少女心炸裂！燃爆！

就目前两集嚟睇，已经埋低唔少伏笔：喺年前曾经戴喺娘娘手上嘅戒指

点解突然会被女二捡到，又令到男二泪流满面呢？

曾经帮助女主嘅老婆婆，究竟係咩身份？点解可以睇到地狱使者同鬼呢？

十年后，点解会再次同男三擦肩而过，变成年轻嘅红衫女人？

女主放係童话书入面嘅枫叶点解会被男三摞走？

仲有鬼怪几时先可以确定女主係鬼新娘

呢啲脑洞大开嘅伏笔

真係令人超级期待

咁精彩嘅剧希望唔好烂尾啦！