??

TVB最近播紧《巾帼枭雄3》

唔知大家有冇觉得

冇咗邓萃雯同黎耀祥嘅《枭雄3》

始终觉得有啲变味lor~

讲起邓萃雯，近排出席完TVB嘅颁奖典礼

竟然差点抢咗当届视后胡定欣嘅风头

网友话，TVB嘅连庄视后

我只服邓萃雯一个

同一个星期，持续keep住热度嘅雯女

上咗内地嘅一档综艺节目

被主持人逼问同初恋万梓良嘅过往

人地对你咁好，点解飞咗人地吖？

仲掀起咗邓萃雯同有妇之夫江华嘅过往

“自小缺乏爱，30岁前我都不懂爱情”

年，18岁嘅邓萃雯加入TVB训练班

85年，香港著名女演员翁美玲去世

娇小俏丽嘅邓萃雯因眉眼酷似翁美玲

接咗翁美玲无法完成嘅电视剧《薛仁贵征东》

当时同万梓良演对戏，一炮而红

亦系因为呢部戏，雯女同万梓良相恋

一个黑社会大佬专业户，一个娇俏小姐

都几登对嘎，当时简直羡煞旁人啦~

万梓良唔单止教邓萃雯演戏

仲教佢点样应对娱乐圈嘅人情世故

喺呢位初恋男友嘅指导下

雯女接连主演咗几部金庸剧

一时风头无限

但系当主持人问到邓萃雯

同万梓良嘅呢段初恋感情系咪好深刻嘅时候

雯女就话，其实当时自己并唔懂爱情

喺邓萃雯嘅心目中万梓良一直好锡自己

但更多嘅系一种亦父亦师亦男友嘅感觉

佢坦言自己喺30岁前都唔知

究竟咩系爱情

正因为呢个原因，导致佢爱错咗人

成为他人家庭嘅第三者，事业一落千丈

而呢个爱错咗嘅人就系江华

当年邓萃雯跳槽到亚视

出演《我和春天有个约会》嘅女主姚小蝶

戏里面亚视当红花旦万绮雯都只系佢嘅陪衬

呢部剧成为当年亚视收视最好嘅剧集之一

亦因为呢部剧，邓萃雯爱上咗男主角江华

一个风流倜傥，一个风情万种

只可惜男方已经有家室

当时结婚咗4年，老婆大紧肚嘅江华

被拍到连续六夜出入邓萃雯香闺

仲一啲都唔避，经常两个人去睇电影

出轨东窗事发之后江华却同老婆麦洁文

企埋同一条线，合力开撕雯女

指责邓萃雯系狐狸精

邓萃雯不惜公开同江华夫妻对骂

形象大跌后惨被公司雪藏咗几年

几年前，回忆起呢件事嘅时候

雯女话咁多年只有呢个

系自己唯一后悔嘅事

喺呢件事中，雯女承认

自己同江华一齐嘅时候

其实系知道佢已经有老婆嘅~

只不过心里面一直觉得

自己可以拯救呢个

陷喺一段不快乐婚姻当中嘅男人

但其实，爱情又点会系拯救？

当江华向公众公开表示

自己最爱一直都系原配嘅时候

邓萃雯先知原来自己嘅想法真系好愚蠢

而今日再提起呢段过往

雯女相当淡定咁回应

无论点样嘅选择，乜嘢后果都好

不可否认自己都系有责任嘅

而至于对方有冇错

雯女话，自己从来都唔会去讲人地

宜家嘅邓萃雯一直都系单身嘅状态

谈及搵另一半嘅要求

佢就话，因为拍戏代入感太强

体验过最好嘅爱情之后

现实当中要求会越嚟越高

一时三刻都几难搵到啱嘅喇~

“连庄视后，因炮轰TVB惨被雪藏”

年后，逐渐走出情伤嘅雯女翻到无线

出演咗《金枝欲孽》里面阴狠毒辣嘅如妃

不论系戏中嘅张可颐、黎姿还是佘诗曼

同邓萃雯比都依然未够火候

虽然《金枝欲孽》令邓萃雯

得到唔少观众嘅认同

佢嘅演艺生涯亦开始逐渐迈向巅峰

仲彻底咁拍撇甩咗“狐狸精”嘅阴影

但可惜当时无线捧紧自己嘅亲生女

将04年嘅视后宝座俾咗黎姿

明明有实力，但就无缘视后宝座

咁多后辈摞奖都未轮到自己

邓萃雯心入面有啲唔忿气~

更令佢嬲嘅系演《金枝欲孽》之前

TVB竟然安排雯女同陈文媛饰演母女

当时嘅邓萃雯先30几岁

佢话自己仲咁靓女，就要演人地阿妈

重要系生陈文媛，唐宁呢啲年纪嘅靓妹

都唔知点生得出嚟，真系好惨嘎~

不过好彩群众嘅眼睛都系雪亮嘅

喺《巾帼枭雄》中

凭住佢饰演嘅“四奶奶”康宝琦

同续集中嘅九姑娘呢两个角色

邓萃雯夺得两届TVB最佳女主角

成为无线嘅第一位“连庄视后”

当年饰演康宝琦嘅时候

佢话自己差点走火入魔，喺片场超级霸道

总系觉得自己喺呢部戏里面功劳最大

幸好当时有黎耀祥嘅开解，点醒咗自己

继而先可以全身心投入到

《义海豪情》嘅拍摄工作当中

凭住精湛嘅演技再次获得视后宝座

不过喺年拍完《金枝2》后

邓萃雯选择离开TVB

更炮轰呢部剧嘅编审零剧本飞纸仔

邓萃雯话因为零剧本呢个问题

自己仲有埋情绪病添

宜家好多观众都话等住邓萃雯翻去拍戏

黎耀祥更喺今年嘅颁奖典礼度扮高层

邀请邓萃雯翻去大台拍戏

仲开玩笑话“飞纸仔嘅已经炒作喇”

雯女表示有适合嘅剧本自己都会拍嘅

同TVB嘅关系并非外界传嘅咁样

对于观众同拍档嘅认可

雯女谦虚咁话，作为一个演员

首先要对自己嘅表现不满意

咁先会有进步，有上升嘅空间

仲自爆自己中意演戏

系因为细个经历过家庭变故

为咗逃避现实中嘅生活

自己好中意代入到电视剧角色当中

睇嚟演技呢样嘢并唔系

一朝一夕可以练成嘅

冇翻咁上下人生经验同经历

都点可以将一个无存在嘅人物

演得咁深入人心呢~

小编都好希望邓萃雯可以继续拍多啲

好睇嘅电视剧俾我地

毕竟宜家啲贝贝琳琳芯芯真系睇唔落去噜

总之一句讲晒，你翻去拍戏

我地撑你嘎！

谢谢你看到了最后

喜欢就赞一个，爱就分享朋友圈

广州最潮最好玩：广州第一潮流、时尚、吃喝玩乐综合平台。每日分享各种新鲜事、粤语文化、潮流资讯。不定期发放福利：美食代金券、商家优惠券。爱上广州，从这里开始！广州，因你而精彩！